قال انتبه باقي على شفتك روج ..

[غناوي الشوق]

قال انتبه باقي على شفتك روج ..

هذه قصيدة اعجبتني ونقلتها لكم بس المشكلة ماعرفت صاحبها عموماً صح لسانه..


ياعين من حطيت عيني بعينه

.............. وابطيت واقف في بحر عينها موج

ابحرت في عينه بليا سفينه

.................. سجيت فيها لين ضيعني الموج

حاولت الد الشوف عما يهينه

..................... ولاانتبهت الا وانا فيه ملبوج

شفت الفتن في ملتقى حاجبينه

............... والسحر في عينه مع الزين مدموج

اسود سواده لابسته السكينه

........... وابيض بياضه طايش اللون مرجوج

زاويه طرف ٍ حاجز ٍ دمعتينه

.................. لولاه كان الخد بالكحل ممزوج

كاسيه رمش ٍ زاد ملحه وزينه

.............. من فوق متكحل ومن تحت مدعوج

بين الرموش السود شفت الغبينه

................. واللي رماه الرمش ماعاد له بوج

مرت ثواني من حياتي ثمينه

................. وانا اتهادى بين الاشواق وأدوج

مرت وانا قابض على راحتينه

.................. واقف مقابل له وساهي ومدلوج

مدري وش اللي صار بيني وبينه

.................... والقلب ماردنه ضلوعي العوج

ولا انتبهت الا بسحبة يدينه

................ قال انت تبغى الناس تلحقني هروج

قلت اعذر اللي شافك الله يعينه

...................... يبطي ودمعه بعد فرقاك مزعوج

عينك بنظرات الغلا مستهينه

.............. .... قال الغلا في داخل القلب منسوج

قلت الوعد قال ايه كلش بحينه

..................... الله يفتح لك من الضيقه فجوج

قلت آآه .. طيب شف لي الدرب وينه

................... قال انتبه باقي على شفتك روج

وسلاااااااااامتكم

---

rhg hkjfi fhrd ugn atj; v,[ >> fhrd v,[ atj; ugn

 

 

 

 

 

 

 

 

 

 

[عبدالاله]

من فوق متكحل ومن تحت مدعوج ,,,,, الله يستر
قال انتبه باقي على شفتك روج ,,,,,, عز الله رحنا فيها
الف شكر ياغناوي على القصيده الرائعه وهذا اكيد من ذوقك الرفيع ربي يسعدك
ولا تحرمنا طلتك

ماشاء الله صايره رومنسيه اليوم
الله يعطيك العافيه

 

 

 

 

 

 

 

 

 

 

[غناوي الشوق]

هههههههههههه أي صايره رومانصيه >> جاي على بالي أترومص شوووووووي بالمنتدى > يمديكـ بس
فديتكـ عبدالإله وفديت طلتك الحلوووووووووه >> لاتحرمنا هالطلة
لك خالص مودتي ورماااااااانصيتي ههههههههههههه

 

 

 

 

 

 

 

 

 

 

[ملكة باحساسي]

يسلمو أختي على القصيدة الرائعة
تقبلي مروري